Abusalihonline's Blog

Just another WordPress.com site

பன்றி இறைச்சி விற்பனையை தடை செய்ய முடியாது . நாட்டில் வாழும் முஸ்லிம் அல்லாத மக்களின் உரிமைகளோடு மோதமாட்டோம் பஹ்ரைன் அரசு அறிவிப்பு BY ABUSALIH

on July 5, 2017

பன்றி இறைச்சி விற்பனையை தடை செய்ய முடியாது .
நாட்டில் வாழும் முஸ்லிம் அல்லாத மக்களின் உரிமைகளோடு மோதமாட்டோம் பஹ்ரைன் அரசு அறிவிப்பு BY ABUSALIH

பஹ்ரைன் அரசு பன்றி இறைச்சி விற்பனையையும் இறக்குமதியையும் தடை செய்யவேண்டும் என நாடாளுமன்றத்தில் எழுப்பப்பட்ட கோரிக்கையையை தள்ளுபடி செய்தது. இது தொடர்பாக நாடாளுமன்றத்தில் தீர்மானம் கொண்டு வரப்பட்ட நிலையிலும் அதனை அரசு புறக்கணித்தது , பன்றிக்கறி இறக்குமதி மற்றும் விற்பனைக்கு தடை விதித்தால் அது நாட்டில் வாழும் முஸ்லிம் அல்லாத மக்களின் உரிமைகளோடு மோதும் நிலைக்கு கொண்டு சென்று விடும் என்றும் அரசு எச்சரித்தது.

அரசு எல்லா வகையான இறைச்சியையும் இறக்குமதி செய்து வருகிறது. மேலும் முறையான பரிசோதனைகளுக்கு உட்படுத்தி சுகாதார முறைகளை உறுதி செய்தபின்னரே நாட்டிற்குள் அனுமதிக்க படுகிறது. பன்றி இறைச்சியை நிறுவனங்களில் விற்பனை செய்வதை அரசு தடை செய்யவேண்டும் என பல்வேறு நாடாளுமன்ற உறுப்பினர்களும் வலியுறுத்தினர். 2015ம் ஆண்டு அப்துல்லா பின் ஹுவெய்ல் என்ற நாடாளுமன்ற உறுப்பினர் பன்றி இறைச்சி விற்க இறக்குமதி செய்ய வைத்திருக்க தடை செய்யவேண்டும் என தீர்மானம் கொண்டு வந்தார். அதனை மேற்கோள் காட்டி நாடாளுமன்ற உறுப்பினர்கள் சிலர் தமது வாதத்தை வைத்தனர். பன்றி இறைச்சி மற்றும் பன்றி தொடர்பான அனைத்தும் இஸ்லாத்திற்கு எதிரானது. ஷரியாவை பின்பற்றும் பஹ்ரைன் நாட்டுக்கு எதிரானது என்ற வாதம் வலுவாக வைக்கப்பட்டது.

நாடாளுமன்றத்தின் மூத்தோர் சபையான ஷூரா கவுன்சிலில் பன்றிக்கறி தொடர்பான நடவடிக்கைகள் தண்டனைக்குரிய குற்றம் என கொண்டு வரப்பட்ட தீர்மானம் வாக்குகளின் மூலம் தோற்கடிக்கப்பட்டது.பன்றிக்கறிக்கு எதிரான தடை என்பது நாட்டில் வாழும் முஸ்லீம் அல்லாத மக்களின் உரிமைகளுக்கு எதிரான அப்பட்டமான மீறலாகும். என ஷூரா உறுப்பினர்கள் உரையாற்றினர் .என கல்ப் நியூஸ் தெரிவிக்கிறது .

பஹ்ரைனில் வாழும் மொத்த மக்கள் தொகையில் பாதிக்கும் மேல் வெளிநாடுகளை சேர்ந்தவர்கள் என்பது இங்கு குறிப்பிடத்தக்கது. .

முடியாட்சி நடைபெறும் பஹ்ரைனில் நாட்டில் வாழும் அனைத்து மக்களின் நலன் நாடும் விதமாக முடிவுகளை துணிந்து எடுக்கிறது. . எவ்வித இடையூறுகளையும் தம் நாட்டுமக்கள் அது எந்த சமூகத்தை சேர்ந்தவர்களானாலும் அனுபவித்துவிடக்கூடாது என்பதில் நேர்மை கெடுபிடியை கூர்மையாக கடைபிடிக்கிறது. . ஐந்து ஆண்டுகள் மட்டுமே ஆயுள் கொண்ட ஜனநாயக முறையில் ஆளப்படும் நம் நாட்டில் பாசிச கூட்டம் அடிக்கும் கொட்டம் அப்பப்பா.

Advertisements

%d bloggers like this: